Valentínusardagur

Hér í Namibíu er Valentínusardagur runninn upp, og hann er stór hér á bæ. Blómabúðir eru yfirfullar af fólki sem berjast um síðustu blómin til að tjá ást sína. Undanfarna daga hafa dunið á mann auglýsingar í útvarpi og blöðum, svo mér finnst nú eiginlega alveg nóg um. Ég tók mig nú til í gærkvöldi og bakaði tertu sem ég færði kvenfólkinu á skrifstofunni. Vakti mikla lukku. Alltaf gaman hvað konum finnst fráleit hugmynd að ég geti bakað.